Jæja, gott ef það er ekki bara kominn tími á blogg. Ég var samt búinn að ákveða að skrifa ekkert nema að ég hefði eitthvað spennandi að skrifa um en þá fattaði ég að ég myndi líklega bara aldrei skrifa neitt Þannig að ég ætla að skrifa eitthvað hérna núna og vona að kannski finnist einhverjum þetta spennandi...

 

Það er semsagt miðvikudagur og gær var frídagur verkalýðssins. Af hverju má ekki slá þessum dögum bara aftan eða fram við helgarnar? Fáránlegt að vera með svona frídaga í miðri viku, rútínan fer alveg í rusl hjá mér og ég verð bara ónýtur maður. Þá er nú betra að taka þriggja daga helgar.

 

Kosningar í nánd og allir stjórnmálamenn gera það sama og venjulega, tala um hvað hinir eru ömurlegir í staðinn fyrir að kynna fyrir fólki hvað þeir eru að gera. Þetta er sölutrikk sem mér finnst frekar glatað og segir mér að viðkomandi hafi ekkert fallegt að segja um sjálfan sig og voni að fólk sjái það ekki... Þetta er eins og skýla sér á bakvið að einhver annar sé verri en maður sjálfur og því sé í lagi að vera kannski ekki með allt á hreinu. Soldið barnalegt alltsaman og alveg réttnefni að kalla þetta sandkassaleik.

 

Annars er ég spenntastur fyrir samsteypu Sjálfstæðis og Samfylkingar, þá gæti efnahagurinn haldið áfram að blómstra en þeir sem minna mega sín bætt kjörin líka þar sem velferðarkerfið hefur ekki verið sterkasta hlið Sjálfstæðis og Framsóknar hingað til. Þar kemur samfylkingin til skjalana og gæti kannski komið þeim málum í skemmtilegan farveg. Framsókn finnst mér ekki vera spennandi en kannski ekki beint hægt að setja út á þá. Vinstri-Græn eru náttlega bara steik, Steingrímur Joð er snarruglaður og Sóley Tómas öfgafullur feministi sem vill væntanlega setja mig í fangelsi því að ég er ekki sammála henni. Held að þessi tvö séu bara hreint ekki góð auglýsing fyrir sinn flokk, þau hafa allavega séð til þess að ég kjósi þau ekki.

 

Annars ætti ég ekki að vera að skrifa um stjórnmál, skil ekki rass í þeim svosem. Allavega virðist sem fólk sé oft með sömu mál á stefnuskránni en geta með engum hætti ákveðið hvernig eigi að framkvæma þau. Fyrir utan að kosningaloforð eru bara mjög sjaldan efnd, það er nefnilega svo auðvelt að skýla sér bakvið að menn séu í samsteypustjórn og geti því ekki komið öllum sínum málum í gegn.  Bull og þvaður segi ég....

 

Sumarið er að bresta á, með gleði og sigrum, hlátrum og gráti, sólríkum dögum og fallegum kvöldum.

 

Bið að heilsa....

Jæja, nú eru páskarnir búnir og ég fékk ekkert páskaegg. Samt voru ákveðnir aðilar búnir að lofa að ég fengi páskaegg en svo gerðist bara ekki neitt. Get ekki sagt að ég hafi verið mjög ánægður með það þar sem þetta eru fyrstu páskar ever þar sem ég fæ ekkert páskaegg...  Ég kem til með að muna þetta næst, nú fer ég að skrifa niður hverjir það eru sem eru að gera eitthvað fyrir mig og ég mun gjalda líku líkt. Geri ekki neitt fyrir neinn sem gerir ekki neitt fyrir neinn

 

Fór í bæinn í gær, var að skutla einhverjum kjellingum í bæinn og ákvað að kíkja sjálfur aðeins inn. Get ekki sagt að það hafi verið spennandi, reykmettað og fúlt loft, fullt af fólki í mökunarhugleiðingum og ölvað óspennandi fólk. Er fólk virkilega aldrei að fara út bara til að skemmta sér, er alveg nausynlegt að vera bara að fara til að reyna að fá sér að ríða eða til að finna sér maka. Ég tek það fram að mér finnst skemmitstaðir vera síðustu staðir sem maður á að leita eftir slíku, fólk er bara ekki með sjálfum sér þegar það er fullt og á djamminu, það virðist vera sem það gildi önnur lögmál þar. Allt í lagi að halda framhjá, allt í lagi að reyna við lofað fólk, allt í lagi að ljúga og pretta til að fá sínu framgegnt og allt útskýrt með áfengisneyslu. Frekja og yfirgangur er líka það sem fólk virðist halda að sé flott á skemmtistöðum. Og hvað er málið með þessar V.I.P raðir? Þær eru yfirleitt lengri en venjulegu raðirnar og fólkið sem er í þeim er svo langt frá því að vera eitthvað V.I.P. Ég vil reyndar meina að það sé ekki hægt að vera slíkur á Íslandi, maður þarf ekki annað en að hafa pissaði í sig í tv til að vera frægur á þessu skeri, það þekkja bara allir alla. Svo virðist það bara alveg eðlilegt að vera 17 ára inni á skemmtistað sem er kannski 22 ára aldurstakmark, eru þessir dyraverðir svona heimskir eða bara að hugsa með kynfærunum? Ég þekki nokkrar stelpur á þessum aldri og þeim finnst bara ekkert sjálfsagðara en að fara í bæinn að djamma. Það segir líka soldið um þessar stelpur, þær eiga klárlega ekki að fara í bæinn og vera haugfullar, það gæti endað með ósköpum þar sem þær eru ekkert voðalega götuklárar eins og maður myndi segja.  Það er ekki eins og það séu bara skátar að skemmta sér í miðbænum!!! Ég hef náttlega alveg tekið út minn skammt í bænum og held núna að ég sé búinn með kvótann, það er þá helst að maður nenni að detta í bæinn edrú, þá getur maður nefnilega farið þegar maður vill  Ég vill samt ekkert vera of neikvæður, bærinn hefur alveg sínar jákvæðu hliðar, þær eru bara svo fáar og sýna sig sjaldan...

Jæja, páskafríið komið og það er eins og venjulega, bara hangs og leiðindi. Ég skil ekki alveg þetta páskafrí, ef maður er ekki fjölskyldumaður eða pantaði sér ekki ferð til Austurríkis til að fara á skíði þá hefur maður bara ekki rass að gera. Jú maðu getur legið í maríneringu og djammað af sér rassgatið en það er ekki vinsælt á mínum bæ. Tiltekt og slíkt verða mín örlög þessa páskana sýnist mér. Það er reyndar verið að reyna að draga mig á sterahelgi á Akureyri en ég nenni bara ekki að sitja í 8 tíma í bíl, er bara það súrasta sem ég geri. Ég verð bara að eiga það inni...

 

Annars er ég ennþá að reyna að jafna mig á því að Valur tapaði fyrir Stjörnunni í körfunni, skil ekki hvernig þetta er hægt. Reyndar má Stjarnan eiga það að þeir spiluðu bara mjög vel í þessum leikjum og áttu ekkert annað en skilið að fara upp. Virðingu ber ég þó ekki fyrir þeim, þar sem leiðinlegri einstaklinga inn á velli finnur maður varla, meira að segja Kef haga sér ekki svona eins og fávitar og þó eru þeir ekki skemmtilegir. Ef svo ólíklega skildi vilja til að ég spilaði við þessa retharða í framtíðinni þá kem ég til með að muna þetta. Fyndið líka að sjá einn gaur í þessu liði, held að hann hafi verið númer 14, hann reyndi að snapa sér slagsmál við alla í Valsliðinu. Sýnir kannski mest hvernig karakter hann er að hann sem er rúmlega örugglega 195 cm á hæð og líklega nærri 100 kg var að gera sig breiðan við Magga, sem er svona tæpir 180 cm á hæð og 70 kg. Um að gera að vera svalur og pikka fight við gaur sem er helmingi minni, greindarskortur eða aumingjaskapur? Hann má allavega bjalla á mig ef hann vill einhvern til að slást við...

 

En annars er ég nokkuð hress, það er vor í lofti og margt framundan. Skírlífur 2007 er ennþá í gildi og virðist ekki vera í hættu, vildi að það væri jafn einfalt að standast önnur heit.

 

Annars ætla ég bjóða nýfædda Gylfadóttur velkomna í heiminn en Beta þjálfari skaut úr sér lítilli stelpu í fyrradag og heilsast móður og barni vel. Ég á eftir að fara og skoða en ég er með svakalega sætan pakka handa þeim og get bara ekki beðið eftir að fá að gefa hann.

 

Annars verður þetta ekki lengra, er að fara í skalló í Valsheimili, bið bara að heilsa í bili...

Ókei, allir hressir bara er það ekki?? Ég er allavega hress, helgin búin og ný vika að hefjast. Það var svokölluð stationhelgi en það er víst helgi þar sem er djammað 2 daga. Ég tók reyndar svo heiftarlega á því á föstudag að laugardagurinn varð ekki merkilegur, lét mig þó hafa það að skella mér í bæinn. Aldrei þessu vant var röð á Oliver þannig að ég skellti mér á Vegamót þar sem var náttlega ekkert troðið, einmitt!! Er bara ekkert viss um að ég nenni að fara aftur í bæinn fljótlega, það verður þá bara í mýflugumynd ef af verður.

 

Annars lenti ég í kynferðislegri áreitni á Nasa á föstudag. Ég var þar á sálarballi, sem er nú ekki frásögu færandi nema að ég er á dansgólfinu og er að dansa eins og mér einum er lagið, sem þýðir að ég átti gólfið Allavega, þar sem ég er að dansa þarna víkur sér að mér eitt stykki kona, hún hefur verið svona um þrítugt og bara nokkuð hugguleg, allavega fannst mér það á þessum tímapunkti, ekkert víst að hún hefði verið það daginn eftir. Þessi kona var greinilega eitthvað heit fyrir þessum heita dansara þarna því að hún byrjar að dansa við mig og hefur nokkuð gaman af, færir sig svo alltaf nær og nær og á endanum var hún komin alveg ofan í mig og þetta orðin svona nútímaleg útgáfa af vangadansi, frekar asnalegt eiginlega bara. Ég var nú bara að hafa gaman af þessu á þessum tímapunkti og hélt áfram að dansa en hendurnar á henni fóru heldur betur að leita fyrir sér. Eftir smá tíma var önnur hendin á henni kominn í rassvasann á mér og hin inn á bakið. Ok, allt gott og blessað með það, reyndar orðið full mikið fyrir minn smekk og ég fór svona að skoða í kringum mig eftir útgönguleið. Eitthvað hefur henni farið að leiðast þófið því að allt í einu fer hendin af bakinu á mér og beint á miðsvæðið. Mér brá svo mikið að ég eiginlega fraus og svona hægði á dansinum sem var ekki alveg besta hugmyndin því að gellan hélt greinilega að ég væri að fíla þetta og fór að reyna troða lúkunni á sér ofan í buxnastrenginn. Ég veit ekki hvernig þetta hefði endað ef Kiddi stórvinur minn hefði ekki komið askvaðandi í sömu svifum að okkur. Ég var allavega ekkert að hugsa þetta lengur, heldur reif í Kidda og bað hann um að draga mig í burtu. Sem hann gerði listavel og ég náði því að halda í sakleysið en eins og áður hefur komið fram þá mun þetta ár vera ár hins mikla skírlífis Takk Kiddi... Ég fór samt að velta fyrir mér einu, þykir þetta bara eðlileg framkoma á skemmtistöðum bæjarinns eða lenti ég bara á þessari einu sem notar þessu ótrúlega frökku aðferð til að fá menn til við sig? Ég meina, ég held að maður yrði nú ansi rauður á kinnum ef maður beitti þessari aðferð sjálfur...

 

Annars var góður Valsdagur í dag, karfan komin í úrslit eftir góðan sigur á FSU og handboltinn kláraði Stjörnuna með stæl og eru á góðri leið með að tryggja sér titilinn þó að hann sé náttlega ekki kominn í hús ennþá...

Nú var ég að vafra á vefnum eins og mér dettur stundum í hug og þá rakst ég á mjög skemmtilega frétt!!

Arnar Þór Viðarsson var valin í landsliðið í knattspyrnu í gær sem er ekki frásögu færandi nema að hann hefur aðeins leikið 11 MÍNÚTUR á þessu ári með sínu félagsliði!!!  Og það er ekki eins og hann sé að spila með einhverju heimsklassa liði. Maður hefði haldið að það væri lágmark að vera í smá leikæfingu ef maður er valinn í landslið. Þetta segir mikið um þá sem ekki komust í liðið, það er alveg ljóst. 

Ég legg til að KSÍ leggi bara þetta landslið niður, við seljum Eið Smára eitthvað þar sem hann getur kannski fengið að spila með einhverjum öðrum en C-liðs leikmönnum og einbeitum okkur að því að koma stelpunum á stórmót. Það er hvort sem er ekki séns á að strákarnir komist í eitthvað slíkt á næstu 100 árum eða svo...

Halló halló. Smá tilkynning. Allir að fara inn á linkinn hérna fyrir neðan og kjósa hana Báru Rúnarsdóttur í Ungfrú Vesturland...

http://www.ungfruisland.is/netkosning.php

Hún ber höfuð og herðar yfir aðrar konur í þessum landshluta og því alveg eðlilegt að þið kjósið hana. Þið gerið það hvort sem þið eruð sammála eða ekki....

Jæja, er ekki málið að dúndra inn smá færslu í tilefni þess að það er komin Mars og ég hef víst ekki bloggað í þessum mánuði

Nú er ég staddur í Danmörku og mér finnst ég alltaf vera meira og meira heima hjá mér þegar ég kem hingað, alveg spurning um hvort að ég fari ekki bara að flytja hingað. Mér finnst danir samt ekkert rosalega skemmtilegir þannig að þetta er pínu erfitt en andrúmsloftið er samt svo afslappað, hér eru ekki allir að farast úr stressi yfir að vera efstir í lífsgæðakapphlaupinu. Ég ætla að skoða þetta mál af fullri alvöru núna...

Annars er ég búinn að vera hérna í viku, byrjaði hjá Gylfa á fimmtudag og var þar fram á sunnudag með smá skreppi yfir til Malmö. Köben er alltaf fín, smá djam tekið þarna um helgina en ég var samt óvenju spakur, það er líklega aldurinn sem þar er að taka í taumana Núna er ég í Árósum og verð hérna fram á laugardag. Hjalti kemur í dag og þá getum við haldið upp á afmælið hans Viktors eins og á að gera það en kallinn varð þrítugur á þriðjudaginn. Svo er leikur hjá Hröbbu á laugard og svo bara brunað upp í lest til Köben. Svanhildur kemur á morgun og verður fram á laugardag þannig að hér verður margmennt og góðmennt...

 Er búinn að standast nýársheitið enn sem komið er, mér sýnist að þetta verði bara skítlétt sko

Bið að heilsa, Orri...

Jæja ok, eftir að hafa fengið vinsamlegar ábendingar hef ég ákveðið að smella inn einu bloggi eða svo

 

Það sem er helst í fréttum er að ég var að rétt í þessu að kaupa mér miða til Köben þann fyrsta mars næstkomandi. Gleði og fjör er yfirskrift þessarar ferðar en ég ætla að vera í rúmlega viku. Fer í afmæli, opnun á nýjum skemmtistað og bara helvíti margt sem ég ætla að gera mér til gamans.

 

Siðustu vikur hafa einkennst af tilbreytingarleysi og sljóleika. Bakið í hassi og engin bolti, get þó farið í ræktina sem er gríðarlega skemmtilegt.

 

Skirlífur 2007? Er að spá í að fara í það bara, það er ekki eins og það sé eitthvað að gerast hvort sem er í þessum málum.

Er í vinnu núna og get þess vegna ekki verið lengur, later... 

Gleðilegt ár elskurnar mínar og takk fyrir öll þau gömlu. Þau eru mismörg sem við eigum saman en það skiptir ekki neinu máli, takk samt. Trúi ekki að það sé komið 2007, það er ekkert langt síðan að það var 97, hvað varð eiginlega um þessi 10 ár?? En það borgar sig ekki að hengja sig á það, maður verður bara að horfa fram á við og takast á við það sem framtíðin ber í skauti sér. Maður á nefnilega ekkert að dvelja í fortíðinni, maður breytir engu eftirá. Allt í lagi að horfa til baka til að læra af hlutunum og rifja upp góðar minningar og slíkt en annars bara horfa fram á við

 

 

Það er nú ekki tekið út með sældinni að búa í Köben þessa dagana. Davíð vinur minn var stungin í mjöðmina um helgina og má þakka guði fyrir að hann slapp með 10 spor. Stungan náði alveg inn að beini!!. Þið megið giska 3svar á hvaðan þessi einstaklingur sem stakk hann á rætur sínar að rekja...

 

 

Ég ætlaði að gera svona lista yfir hvað var markverðast á árinu sem leið en ég nenni því bara ekki. Fannst ég ekki gera neitt svo markvert. Það var þá helst að ég fór oft til útlanda og það bættist inn nýtt land en það er Spánn. Ferðin með Bjössa og U-17 liði Vals var líka eitthvað sem stóð uppúr og svo náttlega að Valur varð 2faldir meistarar í knattspyrnu kvenna og ég átti þeirrar ánægju aðnjótandi að fá að taka pínu þátt í því, takk kærlega fyrir mig stelpur. Ný vinna er að sjálfsögðu eitthvað sem er minnistætt og að ég dustaði rykið af körfuboltaskónum og byrjaði aftur með mfl. Það eru núna komnir nokkrir mánuðir og ég er ennþá bara nokkuð hress í skrokknum sem er eitthvað sem ég átti bara alls ekki von á en ætla að nýta mér á meðan ég get. Það verður væntanlega ekki mikið lengur

 

 

5 dagar í afmælið mitt þannig að þið þurfið að fara að haska ykkur í að finna gjöf, þetta er fljótt að líða...

Skyldi allt vera að verða vitlaust spyr maður sig, 2 blogg með nokkura daga millibili og það án þess að vera veikur í þetta skipti. Það mætti halda að bloggandinn hafa snert mig með músarbendlinum sínum og látið mig hamra á lyklaborðið sem óður væri. Það er þó ekki þannig því að ég hef mjög einfalda og nytsamlega skýringu á þessu, mér dauðleiðist bara. Föstudagskvöld og ég er  heima að horfa á Animal Planet en þar er ótrúlega fræðandi þáttur um blaðlýs. Skemmtilegar þessar litlu skottur, það verð ég að segja.

 

 

Annars eru jólin búin og þau voru með hefðbundnu sniði, sem þýðir að þau einkenndust af ofáti, meira ofáti og svefni. Reyndar las ég eina bók eða svo og er langt komin með aðra síðan þá en það er bara partur af þessu öllu. Tók svo smá djamm(hóst) á öðrum degi jóla. Fór í partý til Rakelar Loga og það var ótrúlega hressandi athöfn, bærinn var svo eins og venjulega(í móðu).

 

 

Nú er svo aftur komin helgi og áramót framundan og maður er að reyna að ákveða hvað maður á að gera, eins og staðan er núna er ég bara ekki að nenna neinu sem krefst einhverjar orku, er þó ekki á þeim buxunum að hanga heima, er ekki alveg það langt leiddur ennþá en það er stutt í slíkt, er alveg að fara fá leið á öllu sem heitir djamm og áfengi. Það rifjar nú upp síðasta áramótaheit en þar sagðist ég ætla að vera edrú allt þetta ár. Það þarf ekkert að fara fleiri orðum um það því að ég drullaði upp á bak með það og hélt út í nokkrar vikur. Var þó edrú á íslandi fram að páskum Ekki töff og ég viðurkenni það, 12 vandarhögg á mig takk...

 

 

Hmm, bloggandinn er farinn, nenni ekki og vil ekki skrifa meira. Þeir sem eru með góðar uppástungur fyrir áramótin mega hafa samband eða skilja eftir athugasemd hér að neðan.

Góðar stundir fram að næsta bloggi en ég vil minna fólk á að ég á afmæli eftir 9 daga, bara svo að þið hafið tíma í að shanghæja afmælisglaðning handa mér....

            Jæja, það er nú kannski komin tími á eitt blogg eða svo. Ég held að ég fari nú samt bráðum að hætta þessu alveg en ég ætla að allavega að gera eina tilraun hérna núna.

 

 

            Núna eru bara 4 dagar til jóla og mig vantar allt jólaskap, ligg hérna heima og er búinn að vera með ælupest og einhvern viðbjóð, ekki beint það sem manni langar til að vera með svona rétt fyrir jól.  Ég er búinn að kaupa nokkrar gjafir og á nokkrar eftir, veit reyndar næstum því hvað ég ætla að kaupa þannig að ég ætti ekki að lenda í vandræðum með það. Ég held samt að jólaskapið sé ekki langt undan, ég þarf bara að komast í að taka laugaveg og kaupa nokkrar gjafir og taka svo jólhreingerninguna, hún kemur manni alltaf í jólaskap Svo kemur manni náttlega í jólaskap að gera eitthvað fyrir aðra, þannig að ég ætla að sjá hvort að ég nái ekki að gera eitthvað slíkt núna á næstu dögum, þó að ég hafi reyndar ekki mikin tíma afgagns og er í vandræðum með að klára það sem ég þarf að klára fyrir mig. Það kemur í ljós bara...

 

 

            Nú er komið jólafrí í körfunni og árángurinn er svosem ásættanlegur, einn leikur sem ég tel að við hefðum átt að vinna en gerðum ekki, að öðru leyti er þetta eins og við var að búast. Ég hef ekki náð mér á strik í vetur og er að spila langt undir getu, hef reyndar alveg sloppið við meiðsli en finn samt hvað það er alltaf erfiðara og erfiðara að koma sér í gang fyrir leiki og æfingar. Þetta er líka ekki eins gaman og áður en það held ég að haldist í hendur við persónulegan árangur og slíkt, það er ekki gaman þegar illa gengur. Ég ætla að sjá hvort að ég nái ekki að rífa mig upp síðustu 3 mánuðina, ég get svo hvílt mig fram í júlí þegar það er búið.

 

 

            Bubbi á Þorláksmessu, shit hvað það verður gaman, er búinn að ætla fara í nokkur ár núna en ætla loksins að láta verða af því í þetta skipti. Hætta að tala um hlutina og framkvæma þá í staðinn Bjössi og Davíð ætla með mér þannig að ég er í ansi góðum félagsskap, getur bara ekki klikkað...

 

 

            Ég vil minna ykkur á að nú er árstími ljós og friðar, ætlir ættu að grafa niður gremju og reiði og einbeita sér að að gleði og hamingju, það á enginn að vera fúll á jólunum. Hringið í þá sem ykkur þykir vænt um og segið þeim að ykkur þykir vænt um þau, ef allir gerður slíkt þá væri allavega ekki erfitt að vera í jólaskapi Bið að heilsa í bili, við sjáum til hvað ég verð lengi að setja eitthvað hérna inn aftur

Ég er farinn á Ísafjörð að keppa og bið að heilsa bara. Geri ekki ráð fyrir að komast heim í þessari viku þannig að símtöl og sms eru vel þeginn í næstu daga....
Það er hægt að horfa á leikinn í beinni útsendingu á Kfi.is ef þið nennið að glápa, ég verð samt ekkert miður mín ef þið finnið ykkur eitthvað annað að gera í kvöld...

Hæ, ég vil bara minna fólk á leikinn sem er á morgun. Valur-Stjarnan í Kennó kl 16.  Þetta er lykilleikur hjá okkur þar sem við skitum á okkur í fyrsta leik og töpuðum  á móti Þór. Við bara hreinlega verðum að vinna þennan leik ef við ætlum ekki að lenda of aftarlega á merinni. Ég ætlast því til að fólk láti sjá sig og öskri áfram Valur, þetta er bara svo miklu skemmtilegra þá....

Ætlaði bara að láta ykkur vita að ég kem ekki til með að sjást neitt mikið á almannafæri næstu vikur og mánuði, þar sem ég var að stilla inn fimmtíu og eitthvað sjónvarpsstöðvar. Þær eru náttlega misgóðar en klárlega verð ég límdur fyrir framan imbann. Ég er náttlega með NBA-TV og það gerir gott mót, Eurosport 1 og 2 sem er náttlega bara snilld og margt fleira sem á eftir að koma sér vel. Ég var veikur í síðustu viku og þá hefði bara verið yndislegt að vera með þessar stöðvar, held að ég verði ekki á flæðiskeri staddur ef ég veikist nú aftur, sem verður nú samt ekki næstu árin eða svo....

Langaði bara að tilkynna ykkur þetta, ef þið skylduð fara að spá í hvar ég væri.....

Jæja, eftir mikla pælingar og margar áskoranir hef ég ákveðið að skella inn bloggi. Það er þó aðalega gert til að friða fólk sem hefur brunnið í skinni eftir sjóðandi færslu um mitt spennandi líf...
Það er nú ekki nema rúmlega mánuður síðan ég skrifaði eitthvað hérna og það hefur svosem ekki mikið gerst á þeim tíma. Airwaves kom og fór, það voru 3 skemmtilegir en erfiðir dagar, alltaf gaman að taka spretti í svona vinnu sko Nýja vinnan mín í Valsheimili hefur verið lengt fram á vor þannig að ég þarf að minnka við mig á öðrum stöðum en ég get bara ekki alveg ákveðið hvar það á að vera. Verð samt að fara að koma mér að því, þetta gengur ekki alveg svona...
Fyrsti leikur í körfunni búinn og við skitum á okkur. Ekkert sérstakt sem ég vil segja um þennan leik en ég vil þakka þeim sem lögðu leið sína á þennan leik, ég lofa sigri næst og vonandi líka að ég verði aðeins betri.
 Ég fór í sakleysi mínu inn í búð um daginn og þá sá ég að það voru komnar upp jólavörur. Ég verð alltaf jafn pirraður á þessum tímasetningum, það á ekkert að gera neitt jóla fyrr en í desember, þangað til á þetta bara að vera bannað. Mér finnst alveg gaman af jólunum en ekki fyrr en þau eru virkilega farin að nálgast. Að setja þetta svona snemma í gang gerir það bara að verkum fyrir mig að ég verð búinn að fá ógeð á jólaskrauti og jólalögum, þau eru nú örugglega alveg að fara að nálgast líka. Hvað ætli það sé langt í fyrsta jólalagið í útvarpinu?? Ég segi næsta vika, þá verðu einhver apaköttur búinn að setja eitt slíkt í spilun. Talandi um útvarp, er það einhver regla að maður þurfi að vera þroskaheftur til að fá að vinna í útvarpi? Skil reyndar ekki af hverju það þurfa að vera útvarpsþættir, er ekki nóg að láta bara lögin rúlla? Allt í lagi með fréttir og slíkt en annað má bara fara í vaskinn fyrir mér, um leið og fólk fer að tala skipti ég um stöð, það er bara þannig. Símahrekkir?? Hvað er málið með það, ég gerði slíkt þegar ég var kannski 10 ára en svo óx ég upp úr því(samt er ég nú ekkert svo þroskaður). Það er fátt sem pirrar mig á morgnana en einmitt þetta, einhver rödd í útvarpinu sem þykist vera svo hress en er svo bara að bíða eftir að geta dottað á milli laga. Nei takk, ég vil lög í mitt útvarp....
 Annars vil ég ekki skrifa meira að sinni, ég er frekar pirraður í dag þar sem ég er veikur og því búinn að hanga heima í allan dag. Það er langt frá því að vera minn stíll og ég ætla rétt að vona að ég þurfi ekki að upplifa slíkt í nokkuð langan tíma aftur. Það er bara takmarkað hvað Friends geta gert fyrir mann í svona stöðu en sem betur fer þá fékk ég lánaða eina seríu af þeim þáttum fyrir stuttu og það gerði gott mót í dag.Vil ég þakka viðkomandi kærlega fyrir en það var hún María Rós sem af góðmennsku sinni gerði þetta. Annað mál, ég er núna búinn að vera safna DVD myndum í nokkur ár og á alveg pínu safn. En það hefur komið fyrir í gegnum tíðina að ég hafi lánað einhverjar myndir og nú er svo komið að mig vantar líklega um 15-20 myndir í safnið og ég bara get ekki munað hverjum ég lánaði þessar myndir, allavega ekki allar. Það væri því fínt ef einhver sem les þetta og er með mynd frá mér myndi skila þeim(Egill). Ég vil ekki þurfa koma og brjóta einhverja hausa til að fá þær til baka, kapish??
 Vá, ég gleymdi að ég ætlaði ekki að skrifa meira, ekki alveg eins og maður ætlaði. En núna er ég hættur, vonandi líður minna en mánuður þangað til að ég nenni að skrifa meira hérna...